Skip to Content


國際藝評人協會香港分會會員定期刊登評論近期展覽的文章。文章將以作者原文(英文或中文)刊登。

免責聲明: 本欄文章內容純屬作者個人觀點或意見,均不代表國際藝評人協會香港分會的立場。

六月三十一日:一日桃源
by 何慶基
at 12:38pm on 25th July 2017


(This writing entitled '31 June: One Day Paradise' was originally written in Chinese.)

六月沒有三十一日,有次和祈大偉喝酒,當他邀請我為這特別的一天創作時,我深被吸引,那是個英國人已離去,中國人還沒來的奇異日子。究竟這樣的一天,香港會是怎樣?意念極有趣,但怎樣描繪這個屬於香港人的一天?想了很久,終於想到,於是重新拿起已收起很久的素描工具盒。我在上世紀九十年代初開始至九七年七月一日為終結,繪畫了一系列約八十張的《坊間故事》,透過本地神話、收集的故事加上個人虛構,紀錄這神經緊張、充斥焦慮的城市如何逐步瓦解。

兩個月前在荷蘭鹿特丹作一個關於香港的演說,開頭的兩句話是:「你去個樂園沒有?…我去過了…。」《一日桃源》的八幅,就是關於這樂園,亦是《坊間故事》此系列的伸延或是分支。

1.

六卅難眠
六月三十果晚落大雨,英國人走哂,雖然無掛住佢地,總之好唔舒服。夜晚瞓得唔好,半夜起身痾尿重倒瀉杯水,真係大吉利是。



2.

靚靚早晨
第二朝起身番工,打開門出面陽光普照,重有一陣陣涼風,唔似夏天,似初秋九月多D。唔知點解D人好似好開心,同人打招呼,或者喺度睇報紙享受陽光,一片祥和。



3.

街頭怪景
走出街頭情況重離奇,有人抬住關公隨街行,又有人喺街頭拜耶穌,重有蜘蛛俠同龍貓,好似個大party,大家好開心。



4.

好人好事
有D人自動幫手清潔街道,有人搭左D木樓梯,幫D人方便D過馬路。有個女仔重企喺樓梯邊幫阿伯過馬路添。



5.

黃昏景象
放工番屋企,見學生喺街頭搭咗嘅溫習室補課,重有義工幫佢地補習,又有人喺街邊送免費飲品。



6.

藝術天地
夜晚黑街頭好多人,無分係唔係藝術家,大家又跳舞又唱歌,又有老豆教個女畫粉筆畫。原來香港人咁藝術,好過西九多多聲。



7.

夜半歸家
接近深夜開始落雨,有人送把遮俾我番屋企,希望果D瞓喺街頭嘅年輕人唔好冷親。



8.

七一惡夢
上床瞓已經係七月一日,成晚行雷閃電,傾盆大雨,佢地話解放軍已經入咗嚟。成晚瞓唔著,好似有隻鬼入咗間屋。



參考資料Link for further info:
1997年6月31日 - 一個祈大衛的展覽項目,以及何慶基及許素細提供作品
31 June 1997 - An exhibition project by David Clarke, with contributions by Xu Xi and Oscar Ho Hing-kay


原文刊於《立場新聞》2017年6月30日
This review was first published in Stand News, 30 June 2017



作者搜尋:

TOP